Погба ќе заигра со братучед на човекот што го киднапираше!

June 29, 2025 | Kristijan Trajchov | Свет

Погба ќе заигра со братучед на човекот што го киднапираше!

Пол Погба се враќа на фудбалските терени. Францускиот ас синоќа официјално стави потпис на двегодишен договор со Монако, со што стави крај на 18-месечната пауза поради допинг суспензија која му ја доведе кариерата на работ на крај. Во септември 2023 година, Погба доби четиригодишна суспензија по паднат допинг тест. Сепак, благодарение на упорна правна битка пред Судот за спортска арбитража (CAS), неговата казна беше намалена на 18 месеци, што му овозможи да се врати на терените во март 2025 година. Иако беше поврзуван со неколку клубови од Европа и Саудиска Арабија, Погба го одбра Монако, клуб со силна амбиција и стабилен проект, каде ќе има можност повторно да се наметне и да го оживее својот фудбалски потенцијал. Но, приказната добива бизарна димензија. Во соблекувалната на Монако, Погба ќе се најде рамо до рамо со Сунгуту Магаса — братучед на Мамаду, еден од шестмината осудени за обид за киднапирање и уцена на самиот Погба во 2022 година. Инцидентот, кој потресе јавноста, вклучуваше вооружен напад и барање за исплата од 13 милиони евра. Мамаду беше осуден на пет години затвор. И покрај темната сенка што го следи, Погба покажува одлучност да го затвори тоа поглавје и да се фокусира на новиот предизвик. „Минатото не можам да го сменам, но иднината е во моите нозе. Подготвен сум“, наводно рекол тој во првата изјава по потпишувањето.

Не е дозволено копирање и користење на содржините без да бидат исполнети
Условите за користење на содржините.