Поради новото правило, секој гол во ЛШ сезонава ќе биде важен

September 18, 2024 | Kristijan Trajchov | Свет

Почнувајќи од оваа сезона, Лигата на шампионите ќе ја гледаме во лигашки формат каде сите екипи се наоѓаат во една иста табела, а најважен критериум во случај два тима да имаат еднаков број бодови ќе биде гол-разликата. Ова значи дека тимовите ќе бидат приморани да постигнуваат голови, а да примаат што е можно помалку. На крајот од осмото коло кога всушност ќе заврши оваа фаза, скоро па сигурно ќе има тимови со еднаков број бодови, можеби и со иста разлика, па подобрата гол-разлика би им завршила огромна работа. Ова се критериумите во случај да има две или повеќе екипи со еднаков број бодови во поединечниот пласман:

• Разликата во головите меѓу постигнатите и примените.
• Доколку имаат еднаков број бодови и разликата на дадени и примени е иста, тимот со најмногу постигнати голови ќе биде во предност на табелата.
• Најголем број постигнати голови на гостински терен.
• Најголемиот број победи.
• Најголем број победи на гостински терен.

Не е дозволено копирање и користење на содржините без да бидат исполнети
Условите за користење на содржините.