Постои начин за краткорочно враќање на Меси во Барселона?!

January 14, 2025 | Kristijan Trajchov | Свет

Постои можност Лионел Меси да се врати во Барселона, макар и привремено, што би било огромно изненадување за фудбалскиот свет. Реалната шанса за ова сценарио се појавува поради договорните околности на Аргентинецот со Интер Мајами. Меси моментално е под договор со американскиот клуб до крајот на 2025 година, со најави за продолжување до крајот на 2026 година. Според правилата на МЛС, играчите кои поминуваат две години во лигата добиваат право да бидат позајмени во друг клуб во текот на паузата меѓу сезоните. Ова го отвора патот Барселона да ја искористи таа можност и да го врати својот легендарен играч за краток период. Ако потпише нов договор со Интер Мајами, Меси би можел да биде позајмен од ноември 2025 до февруари 2026 година, поради разликите во распоредот на сезоните во САД и Европа. Ова сценарио не само што би било радост за навивачите, туку и маркетиншки потег со кој Барселона би била во огромен плус.

Не е дозволено копирање и користење на содржините без да бидат исполнети
Условите за користење на содржините.