Познати детали од смртта на Жота: Загинале со брат му откако им пукнала гумата престигнувајќи кола!

July 3, 2025 | Kristijan Trajchov | Свет

Познати детали од смртта на Жота: Загинале со брат му откако им пукнала гумата престигнувајќи кола!

Шпанската полиција официјално ги објави првите детали за трагичната сообраќајна несреќа во која животот го загубија Диого Жота, фудбалската ѕвезда на Ливерпул, и неговиот брат Андре. Несреќата се случила ноќта кон среда, околу 00:30 часот, во општината Чернадиља, покраината Замора, Шпанија. Според соопштението на Гардија Цивил, возилото – марка Ламборгини – излетало од патот при престигнување, откако му пукнала гума. По излетувањето, автомобилот се запалил, а и покрај брзата интервенција на надлежните служби, Жота и неговиот брат починале на лице место. „Автомобилот излетал од патот поради пукање гума при престигнување. Несреќата завршила со пожар, а двајцата патници – Диого Жота и Андре Фелипе – го загубиле животот“, стои во официјалното соопштение на шпанската полиција. Фудбалска Португалија, клубот Ливерпул, како и светската спортска јавност, се во шок поради загубата на двајца млади животи во оваа ненадејна трагедија.

Не е дозволено копирање и користење на содржините без да бидат исполнети
Условите за користење на содржините.