ПСЖ ќе биде исфрлен од Лигата на шампионите?!

January 9, 2025 | Kristijan Trajchov | Свет

Пари Сен Жермен се соочува со сериозен ризик од исфрлување од Лигата на шампионите, како последица на спорот со поранешниот фудбалер Килијан Мбапе, пренесува L'Equipe. Според правилата на УЕФА, клубовите мора до 15 јануари да достават документација која потврдува дека немаат долгови кон своите вработени. ПСЖ е во проблеми бидејќи одбива да го исплати бонусот што Мбапе смета дека го заслужил. Мбапе веќе победи во два судски спора пред француските судови, барајќи околу 55 милиони евра неисплатени плати и бонуси од својот поранешен клуб. Сепак, ПСЖ продолжува да одбива да ја исплати сумата. Ако УЕФА утврди дека ПСЖ ги крши правилата, нивното тело за финансиска контрола може да побара веднаш исплата на парите на Мбапе, а во спротивно ќе им биде забрането учество во Лигата на шампионите.

Не е дозволено копирање и користење на содржините без да бидат исполнети
Условите за користење на содржините.