Рашфорд ѝ се понудил на Барселона, ќе игра и за многу помала плата!

May 8, 2025 | Kristijan Trajchov | Свет

Англискиот напаѓач Маркус Рашфорд повторно се ставил на располагање на Барселона, пренесува добро информираниот новинар Фабрицио Романо. Фудбалерот кој сезонава го носи дресот на Астон Вила, повторно покажал интерес да се пресели на „Камп Ноу“ и е подготвен на значителни отстапки за да го оствари својот сон. Рашфорд оваа сезона настапи на 41 натпревар за Астон Вила, постигнувајќи 11 голови и 9 асистенции, солиден биланс кој, според него, е доволен аргумент за трансфер во клуб од калибарот на Барселона. Наводно, 26-годишниот англиски репрезентативец е подготвен дури и да се откаже од дел од својата плата во Вила, со цел да ги убеди каталонците да го ангажираат. Сличен обид бил направен и во зимскиот преоден рок, но тогаш не дошло до конкретни преговори. Барселона во моментов се соочува со финансиски ограничувања, но интересот од страна на Рашфорд, како и неговата подготвеност за компромис, би можеле да бидат фактор што ќе го забрза евентуалниот договор.

Не е дозволено копирање и користење на содржините без да бидат исполнети
Условите за користење на содржините.