Реал и Атлетико одиграа реми, ќареше Барселона (ВИДЕО)

February 8, 2025 | Kristijan Trajchov | Свет

Жестокото градско дерби меѓу Реал Мадрид и Атлетико на „Сантијаго Бернабеу“ заврши без победник (1-1), а овој резултат најмногу им оди во прилог на Барселона, кои утре ќе имаат можност да ја намалат бодовната разлика. Натпреварот беше исполнет со интензивни дуели, а најконтроверзниот момент се случи во 35. минута. Чуамени го нагази Лино во шеснаесетникот, но првично немаше реакција од судијата. По интервенцијата на ВАР собата, тој ја прегледа ситуацијата и покажа на белата точка. Одговорноста ја презеде Хулијан Алварез, кој со мајсторска „паненка“ го совлада Тибо Куртоа, носејќи предност за Атлетико. Реал возврати силно на стартот од второто полувреме, а веќе во 50. минута Килијан Мбапе погоди за израмнување (1-1). До крајот, „кралевите“ притискаа во обид да дојдат до победничкиот погодок, додека Атлетико се обидуваше да се закани преку контранапади, но конечниот исход остана нерешен.

Не е дозволено копирање и користење на содржините без да бидат исполнети
Условите за користење на содржините.