Реал Мадрид и ПСЖ во трка за Салиба

September 17, 2025 | Kristijan Trajchov | Свет

Францускиот дефанзивец Вилијам Салиба повторно е во центарот на интересот на европските фудбалски гиганти. Иако Реал Мадрид наводно летово се обидел да го донесе на „Сантијаго Бернабеу“, трансферот не се реализира. Сепак, желбата на „кралскиот клуб“ останува жива, а во трката за неговиот потпис сега се вклучи и Пари Сен Жермен. Според пишувањата на англиските медиуми, и Реал и ПСЖ сериозно размислуваат да ја активираат својата офанзива за 24-годишниот стопер уште во јануарскиот преоден рок. Од друга страна, Арсенал нема намера лесно да се откаже од еден од своите најважни играчи во одбраната. Лондонскиот клуб веќе се обидел да го продолжи договорот со Салиба, но засега двете страни не постигнале договор. Салиба се етаблира како еден од најконстантните и најсигурните дефанзивци во Премиер лигата, па интересот на европските гиганти не изненадува. Прашање е дали „топчиите“ ќе успеат да го задржат или зимата ќе донесе ново големо засилување за Реал или ПСЖ.

Не е дозволено копирање и користење на содржините без да бидат исполнети
Условите за користење на содржините.