Реал Мадрид ја најде замената за Модриќ во Манчестер Јунајтед

March 30, 2025 | Kristijan Trajchov | Свет

Реал Мадрид повторно погледнува кон Премиер лигата во потрага по свежа креативна искра во средниот ред. Според најновите информации од „Дејли Стар“, „кралевите“ сериозно го разгледуваат трансферот на португалскиот мајстор Бруно Фернандеш како долгорочен наследник на Лука Модриќ. Фернандеш веќе неколку сезони е клучен човек во тимот на Манчестер Јунајтед, но шпанскиот гигант би можел да го доведе за сума од околу 90 милиони фунти. Иако менаџерот Рубен Аморим би сакал да го задржи плејмејкерот, раководството на клубот размислува за продажба со цел да ја подобри финансиската стабилност. Во тековната сезона, Фернандеш одигра 44 натпревари во сите натпреварувања, при што се истакна со 16 голови и исто толку асистенции. Неговиот договор со „црвените ѓаволи“ е валиден до летото 2027 година, но прашањето е дали Јунајтед ќе може да му одолее на примамливата понуда од „Бернабеу“.

🚨 Real Madrid are weighing up a £90M offer for Bruno Fernandes. Madrid have been present at virtually every Manchester United match recently — both home and away to watch the player. (Source: @DailyStar_Sport) https://t.co/mrLT3R4kTH pic.twitter.com/utikc12Ia3

— Transfer News Live (@DeadlineDayLive) March 30, 2025

Не е дозволено копирање и користење на содржините без да бидат исполнети
Условите за користење на содржините.