Ристовски: Им се извинувам на навивачите, бараме да ни простат

September 18, 2024 | Kristijan Trajchov | Свет

Динамо Загреб вчера беше прегазен каде го забележа најголемиот пораз во историјата на Лигата на шампионите, откако на гостувањето кај Баерн Минхен загуби со 9-2. За прв пат вчера бевме сведоци еден тим да прими дури девет гола во ова натпреварување. Нашиот Стефан Ристовски по поразот им се извини на навивачите и побара да им простат. „Најпрво би сакал да им се извинам на сите навивачи на Динамо, се надевам дека ќе ни простат и ќе бидат со нас. Не е лесно да се излезе пред новинарите и да се коментира по овој пораз. Мора да бидеме свесни дека не го претставуваме само Динамо, туку и хрватскиот фудбал. Како соблекувална мора да се извлечеме и убеден сум во тоа. Динамо е голем клуб и клуб со голема историја. Сега е најлесно да се впери прстот кон некого и да се каже дека тој е виновен. Само заедно можеме да излеземе од оваа ситуација“, рече Ристовски. Баерн Минхен водеше со 3-0, потоа Динамо постигна два гола, но потоа следуваше вистински дебакл за тимот на Ристовски.

Не е дозволено копирање и користење на содржините без да бидат исполнети
Условите за користење на содржините.