Роналдо ја тролаше француската лига, а се нудел на ПСЖ?!

December 31, 2024 | Kristijan Trajchov | Свет

Кристијано Роналдо, еден од најдобрите фудбалери во историјата, предизвика многу реакции со својата неодамнешна изјава. Тој изјави дека француската Лига 1 е послаба од саудискиот шампионат, каде што моментално настапува. Оваа изјава ја даде откако прими награда на „Глоуб Сокер“ церемонијата во Дубаи, а веднаш по тоа се соочи со остри критики од јавноста. Интересно е што, кога Роналдо заминуваше од Јувентус, бил понуден на ПСЖ, но францускиот гигант ја одбил можноста да го ангажира. Ова дополнително го отвори прашањето за вредноста на неговата кариера во овој период. Легендарниот Емануел Пети исто така ја коментираше изјавата на Роналдо, и неговите зборови најдоа поддршка од бројни фанови на Лионел Меси, кои го сметаат Аргентинецот за супериорен во споредбата со Роналдо. „Не сум изненаден од изјавата. Од 2018 година кога Роналдо замина од Реал Мадрид, тој има повеќе интервјуа отколку титули. Има мало влијание во тимот и репрезентацијата. Тој е амбасадор на ‘Глоуб Сокер’ и мислам дека не може да го прифати фактот што не е во конкуренција за ‘Златната топка’. Неговите коментари за Лига 1 се без основа и се поврзани со Меси, а тоа го знаеме сите“, кажа Пети.

Не е дозволено копирање и користење на содржините без да бидат исполнети
Условите за користење на содржините.