Роналдо сака да ја купи Валенсија, но постави еден услов

April 5, 2025 | Kristijan Trajchov | Свет

Кристијано Роналдо има амбиција да стане сопственик на славниот, но во последно време турбулентен клуб Валенсија. Незадоволството на навивачите од досегашното раководство предводено од Питер Лим е веќе добро познато, а веста дека Роналдо планира да ја преземе палката и да внесе нова енергија во клубот, звучи како музика за ушите на фановите на „Местаља“. Според информациите на познатиот шпански новинар Џулијан Редондон, Португалецот преку свои луѓе веќе воспоставил првични контакти, но, има еден голем услов за да се случи ова. За да влезе во конкретни преговори, Роналдо поставил јасен услов: Валенсија мора да остане во Ла Лига. И навистина, ситуацијата не е ни најмалку едноставна. Клубот моментално се наоѓа на 15-тата позиција, со само четири бодови предност пред тимовите во зоната на испаѓање.

Не е дозволено копирање и користење на содржините без да бидат исполнети
Условите за користење на содржините.