„Сака, не се замислувај многу, ти не си светска класа“

April 17, 2025 | Kristijan Trajchov | Свет

Обидот на Букајо Сака да реализира пенал со „паненка“ во четвртфиналниот дуел меѓу Арсенал и Реал Мадрид предизвика бројни реакции, не само на теренот, туку и надвор од него. Младиот Англичанец промаши од белата точка, а неговиот потег очигледно не им се допадна ниту на играчите на Реал, ниту на фудбалските легенди. Холандската икона и поранешен играч на Реал Мадрид, Рафаел ван дер Варт, беше особено остар во своите коментари за холандските медиуми. „Сака мислеше дека со тој погодок ќе стане ѕвезда на вечерта. Целосно се прецени,“ истакна Ван дер Варт. Но, тој не застана тука. „Кога Меси изведува ваков пенал, тоа е вештина. Тој има докажано квалитет и храброст да го направи тоа во најголеми моменти. Но Сака? Тоа беше срамно. Тој мисли дека е меѓу најдобрите во светот, а реалноста е поинаква.“ Промашениот пенал на Сака, кој го бранеше Тибо Куртоа, не ја спречи победата на Арсенал, но сепак остави горчлив впечаток кај некои фудбалски великани, кои сметаат дека во такви моменти не треба да се експериментира, туку да се одигра сигурно и зрело.

Не е дозволено копирање и користење на содржините без да бидат исполнети
Условите за користење на содржините.