Сака се врати од тешката повреда и ја потврди победата на Арсенал (ВИДЕО)

April 1, 2025 | Kristijan Trajchov | Свет

Екипата на Арсенал успеа да ја исполни својата мисија, триумфирајќи над Фулам со 2-1 на домашен терен, со што уште повеќе ја зацврсти својата позиција во самиот врв на табелата во Премиер лигата. Оваа победа го одржа тимот чекор пред Нотингем Форест, кој дише во вратот на водечките екипи. Но, вечерта на „Емирати“ донесе и радост и загриженост. Големата добра вест за навивачите беше враќањето на Букајо Сака, кој по 101 ден пауза конечно заигра повторно. Младиот англиски ас веднаш покажа зошто е толку важен за тимот, постигнувајќи гол во 73. минута, само неколку моменти по неговото влегување во игра. За жал, мечот донесе и непријатна сцена. Дефанзивецот Габриел заработи повреда, што создаде дополнителна грижа за тренерот Микел Артета пред клучните дуели во Лигата на шампионите, а се повреди и Тимбер. Претходно, Арсенал го отвори резултатот преку Мерино во 37. минута, додека гостите од Фулам успеаја да намалат преку Родриго Муниз длабоко во судиското надополнување, но тоа беше премалку и предоцна за да го загрозат триумфот на „топџиите“. Во паралелниот натпревар, Вулверхемптон на свој терен минимално го совлада Вест Хем со 1-0, благодарение на погодокот на Јорген Ларсен во 21. минута.

This hits hard. Martinelli with a Brazilian flick and a goal from the starboy Bukayo Saka 🌟 pic.twitter.com/ALRkun5gE4

— Sir Jenkinson (@theEpicGooner) April 1, 2025

Не е дозволено копирање и користење на содржините без да бидат исполнети
Условите за користење на содржините.