July 15, 2025 | | Свет
По 13 години исполнети со трофеи, историски моменти и блескави партии, Лука Модриќ и официјално ја заврши својата ера во Реал Мадрид, и од вчера е нов фудбалер на Милан. Хрватскиот репрезентативец го мина медицинскиот преглед и потпиша договор на една сезона, со опција за продолжување до 2027 година, во зависност од неговиот учинок и желбите на двете страни. Модриќ зад себе остава блескава историја на „Сантијаго Бернабеу“: речиси 600 настапи, 28 трофеи, вклучувајќи 6 титули во Лигата на шампионите, и секако – „Златната топка“ во 2018 година, со што влезе во пантенотонот на фудбалот. Но, и покрај тоа што остави длабока трага и непроценливо наследство, Реал Мадрид предизвика реакции кај навивачите со еден потег: веднаш по заминувањето на Модриќ, клубот го отстрани од своите социјални мрежи. Фановите брзо ја забележаа оваа промена и остро реагираа, особено бидејќи Лукас Васкез, кој исто така го напушти клубот ова лето, сè уште е следен од официјалниот профил на Реал. Овој потег не е официјално објаснет од клубот, но создаде чувство дека заминувањето на еден од најголемите играчи во историјата на Реал не било дочекано со соодветна почит.
Le Real Madrid vient d'unfollow Luka Modric sur Instagram. 😳👋 Le club ne respecte pas ses légendes. 💀 pic.twitter.com/LltfOa7SKf
— Foot Radar (Journal) (@_FootRadar) July 15, 2025
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |