Сериозен удар за Сити: Заминува човекот кој го убеди Пеп да дојде во клубот!

October 8, 2024 | Kristijan Trajchov | Свет

Директорот на фудбал во Манчестер Сити Чики Бегиристан заминува од клубот во 2025 година. Оваа функција ја извршуваше од октомври 2012 година и во негово време Сити успеа да освои седум трофеи во Премиер лигата, како и Лигата на шампионите како најважни трофеи. Тој е „виновникот“ кој го убеди Гвардиола да седне на клупата на Сити. Претходно, истата функција ја извршуваше во Барселона од 2003 до 2010 година каде и таму двајцата соработуваа. Како што извести новинарот Дејвид Орнстин од „The Athletic“, оваа одлука веќе била позната во клубот. Бегиристан одреден период ќе паузира и не планира да се пензионира.

Не е дозволено копирање и користење на содржините без да бидат исполнети
Условите за користење на содржините.