Шмајхел бесен: Играм фудбал 23 години, но очигледно не ги знам правилата

June 30, 2024 | Kristijan Trajchov | Свет

Домаќинот Германија ја совлада Данска со 2-0 во натпревар кој беше прекинат и кој имаше контроверзни судиски одлуки. Каспер Шмајхел даде изјава за медиумите, но тој никако неможеше да се помири со поразот. „Чувствувам мешавина на разочараност, лутина и бес. Но тоа е денешниот фудбал. Играм фудбал професионално 23 години, но и понатаму очигледно не ги знам правилата. Офсајд е Офсајд. Може да биде преку линијата, но офсајд си е офсајд. Не знам колку технологијата ни помага во овој сегмент, но мора да и веруваме. Навистина не знам што може да направи играчот со раката во ситуација кога трча. Сите фудбалски маргини беа на нивна страна. Фудбалот и здравиот разум веќе не одат заедно, фудбалот и здравиот разум не одат во иста реченица“, рече Шмајхел. И дефанзивецот Јоаким Андерсен рече дека тоа никако не е пенал и дека во Премиер лигата каде моментално тој игра за Кристал Палас тоа никогаш не би се судело.

Не е дозволено копирање и користење на содржините без да бидат исполнети
Условите за користење на содржините.