Шок во Англија: Халанд удрил жена во тилот, веднаш го пријавила во полиција

March 29, 2025 | Kristijan Trajchov | Свет

Ерлинг Халанд, машината за голови на Манчестер Сити, се најде во неочекувана контроверзија поради настан што се одиграл пред натпреварот против Саутемптон во октомври. Според извештаите, Норвежанецот несвесно предизвикал сериозна повреда на вработена во клубот, која повремено ја носела маскотата „Мунбим“. Жената тврди дека добила силен удар во тилот од напаѓачот, што резултирало со тешки повреди на вратот и потрес на мозокот. Веднаш била пренесена во болница, а подоцна поднела официјална пријава против Халанд – најпрво во клубот, а потоа и во полицијата, што доведе до формална истрага. Се шпекулира дека ударот бил направен на шега, без намера за повреда, но со несреќни последици. Според зборовите на оштетената, таа била во шок од целата ситуација, не очекувајќи дека ќе заврши во болнички кревет по наизглед безопасна средба со еден од најголемите фудбалски ѕвезди. Манчестер Сити реагираше веднаш, соопштувајќи дека направиле интерна истрага и не нашле никакви докази, вклучувајќи снимки, кои го потврдуваат инцидентот онака како што бил пријавен. Полицијата исто така била запознаена со случајот, но засега не презема понатамошни чекори.

Не е дозволено копирање и користење на содржините без да бидат исполнети
Условите за користење на содржините.