Шон Дајч: Со мојата 4-4-2, ќе победувам повеќе од Аморим како тренер на Јунајтед

May 15, 2025 | Kristijan Trajchov | Свет

Поранешниот менаџер на Евертон, Шон Дајч, смета дека би постигнал поголем успех со Манчестер Јунајтед отколку актуелниот тренер, Рубен Аморим. Во изјава за подкастот „Stick to Football“, Дајч го критикуваше Португалецот за стилот на игра и недостигот на резултати во Премиер лигата. Аморим ја предводи екипата на „Црвените ѓаволи“ до финале во Лигата на Европа, но во домашниот шампионат тимот се наоѓа на разочарувачко 16-то место, со само 24% успешност на победи, бројка која за клуб со традиција и амбиции како Јунајтед е неприфатлива. „Тој нема да го смени начинот на кој игра тимот. Подобро е да почне да победува, и тоа брзо. Ако јас бев таму и тимот играше на мој начин, едноставно 4-4-2 со јасни инструкции и принципи, сигурно ќе победувавме повеќе“, изјави тој. Дајч, кој претходно ги водеше и Барнли и Вотфорд, не ја криеше својата желба еден ден да седне на клупата на Јунајтед. „Секогаш ми бил Манчестер Јунајтед, не поради името, туку поради големината и грандиозноста на клубот. Иако минуваат низ тежок период, тоа е глобален гигант“, истакна Англичанецот.

Не е дозволено копирање и користење на содржините без да бидат исполнети
Условите за користење на содржините.