Си се заштитил: Халанд има две интересни клаузули во новиот договор

January 24, 2025 | Kristijan Trajchov | Свет

Ерлинг Халанд неодамна потпиша нов сензационален договор со Манчестер Сити, со кој се обврза да остане на „Етихад“ до 2034 година. Оваа посветеност на норвешкиот напаѓач отвора можност тој да ја помине речиси целата своја кариера во дресот на Граѓаните. Сепак, договорот вклучува две значајни клаузули, откриени од Cadena SER, кои би можеле да влијаат на неговиот престој во клубот. Првата клаузула му дозволува на Халанд да го раскине договорот ако Манчестер Сити биде исфрлен или испадне од Премиер лигата. Додека испаѓањето е малку веројатно, сценариото со исфрлање изгледа реално, бидејќи клубот е под истрага за прекршување на финансиските правила. Втората клаузула има сличен карактер и дозволува заминување ако клубот биде исфрлен од Лигата на шампионите поради слични причини. Покрај овие, се споменуваат и дополнителни клаузули кои ќе стапат на сила по третата година од договорот, меѓу кои е можно да има и откупна клаузула. Со новиот договор, 24-годишниот Халанд стана еден од најплатените фудбалери во светот, со годишна плата од околу 26 милиони евра. Ова само ја потврдува неговата важност за Манчестер Сити и долгорочните амбиции на клубот.

Не е дозволено копирање и користење на содржините без да бидат исполнети
Условите за користење на содржините.