Сити е во полуфинале на ФА Куп, загрижува повредата на Халанд (ВИДЕО)

March 30, 2025 | Kristijan Trajchov | Свет

Манчестер Сити избори пласман во следната рунда од ФА Купот со победа од 2-1 на гостувањето кај Борнмут. Сепак, триумфот беше засенет од повредата на Ерлинг Халанд, кој го напушти теренот во второто полувреме. Норвешката ѕвезда немаше најдобар старт на натпреварот – во 14. минута промаши пенал, а Борнмут ја искористи шансата да поведе преку Еванилсон во 21. минута. Но, во второто полувреме, Халанд се рехабилитираше со погодок за 1-1, израмнувајќи ја резултатската неизвесност. За жал на „граѓаните“, десет минути подоцна напаѓачот заработи повреда што го принуди да го напушти теренот, оставајќи ги навивачите и стручниот штаб во неизвесност околу тежината на повредата. Неговата замена, Мармуш, се покажа како јунак, постигнувајќи го победничкиот гол и носејќи ѝ на екипата на Гвардиола важен триумф.

Не е дозволено копирање и користење на содржините без да бидат исполнети
Условите за користење на содржините.