Сити победи преку пресврт и избегна срам по примениот гол од половина терен (ВИДЕО)

February 8, 2025 | Kristijan Trajchov | Свет

Манчестер Сити обезбеди место во следната фаза на англискиот ФА Куп, откако со 1-2 славеше на гостувањето кај третолигашот Лејтон Ориент. Иако очекувано „граѓаните“ ја завршија својата задача, најмногу ќе се зборува за неверојатниот погодок на домашниот тим.

Голманот Ортега беше далеку од својата линија во 16. минута, што го забележа Донли, кој се обиде со удар од педесетина метри. Топката прво удри во пречката, а потоа од грбот на Ортега заврши во мрежата, оставајќи го стадионот во неверување. Домашните играчи и навивачите славеа како во сон, водечкото водство против големиот фаворит беше момент за паметење. Сепак, Манчестер Сити во второто полувреме ги искористи измените за да ја преземе контролата врз натпреварот. Новото засилување, Хусанов, успеа да израмни во 56. минута, додека во 79. минута, Де Брујне постигна победнички погодок по асистенција на Грилиш. Во следната рунда на ФА Купот ќе игра и Милвол, кој забележа значајна победа од 0-2 на гостувањето кај Лидс Јунајтед. Двоен стрелец за гостите беше Феми Азез, кој се запиша во листата на стрелци во 30. и 55. минута. Лидс имаше можност да се врати во натпреварот, но Струијк не успеа да реализира пенал за израмнување, што дополнително го олесни патот на Милвол до триумфот.

Не е дозволено копирање и користење на содржините без да бидат исполнети
Условите за користење на содржините.