October 20, 2026 | | Свет
Брентфорд соработува со полицијата за да го утврди идентитетот на мажот кој за време на саботниот натпревар против Ливерпул шутнал рагби-топка од покрив на соседна зграда кон стадионот. Инцидентот, за кој извести „Скај Спортс“, предизвика загриженост поради потенцијалната опасност за играчите и присутните на трибините. На снимка објавена на социјалните мрежи се гледа маж облечен во сина маица како од покривот на зградата зад источната трибина ја шутнува топката кон теренот. Луѓето околу него се смеат и извикуваат додека топката паѓа во стадионот. На друга снимка, пак, се гледа како маж ја собира топката од теренот. Според пишувањето на „Телеграф“, топката, како што изгледа, била шутната од покривот на „Underwood House“, станбен објект кој се наоѓа во близина на стадионот на Брентфорд. Клубот го осуди инцидентот и потврди дека случајот е пријавен во полиција. „Клубот е запознаен со инцидентот во кој за време на саботниот натпревар против Ливерпул бил шутнат предмет кон теренот. Таквото однесување е опасно и потенцијално многу штетно. Случајот е пријавен во полиција, а клубот им помага на надлежните во истрагата со цел да се идентификуваат одговорните и да се преземат соодветни мерки, што може да резултира и со кривично гонење“, се наведува во соопштението на Брентфорд. Истрагата треба да го утврди идентитетот на лицето и околностите под кои се случил инцидентот. Однесувањето предизвика реакции поради ризикот што го носи фрлањето или шутирањето предмети кон теренот за време на натпревар.
@BrentfordFC https://t.co/miY67Pvjsa
— Blakeley McHelm🔴🇺🇾 (@BlakeleyMcHelm) October 19, 2026
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |