Слот: Никој не одигра така добро против нас сезонава како ПСЖ

March 11, 2025 | Kristijan Trajchov | Свет

Арне Слот, менаџерот на Ливерпул, го призна квалитетот на играта на Пари Сен Жермен во првиот натпревар, но останува убеден дека неговиот тим може да прикаже многу подобра игра. Во првиот осминафинален дуел од Лигата на шампионите, францускиот шампион доминираше со 27 удари кон голот на Ливерпул, додека „црвените“ имаа само два. И покрај тоа, англискиот тим извојува победа од 0-1. „Некои велат дека нашата игра беше лоша, но јас не се согласувам. Мислам дека ПСЖ одигра фантастично, со извонреден квалитет и интензитет каков што не сме сретнале оваа сезона. Но, сигурен сум дека можеме да бидеме уште подобри. Не тврдам дека бевме лоши, но знам дека сме способен тим кој може да одигра на повисоко ниво. Тоа треба да го докажеме вечерва, со поддршката од нашите навивачи“, истакна Слот.

Не е дозволено копирање и користење на содржините без да бидат исполнети
Условите за користење на содржините.