Спортскиот директор на Јунајтед оправдано отпуштен: Дал чуден предлог за нов тренер

December 9, 2024 | Kristijan Trajchov | Свет

Сопственикот на Манчестер јунајтед, Сер Џим Ретклиф, не беше задоволен од постапките на Ден Ешворт, спортскиот директор на клубот. По само пет месеци работа во клубот, Ешворт донесе одлука за спогодбен раскин на соработката со клубот. Сè се случи по поразот на „ѓаволите“ од Нотингем Форест на „Олд Трафорд“ во Премиер лигата, што дополнително го зголеми притисокот врз раководството. Ешворт, кој е познат како еден од најдобрите спортски директори на светот, беше поврзан со претходните потези на клубот, вклучувајќи го изборот на тренер по отказот на Ерик тен Хаг во октомври. За време на разгледувањето на потенцијалните кандидати, Ешворт предложил неколку имиња, вклучувајќи ги Марко Силва, Томас Франк и Грем Потер, но Ретклиф барал некој кој ќе може да го издржи притисокот на позицијата главен тренер во Манчестер Јунајтед и кој има силен карактер. Меѓутоа, кога беше донесена одлуката да се ангажира Рубен Аморим, Ешворт не бил премногу вклучен во процесот и наводно бил против неговиот ангажман. Ретклиф се налутил бидејќи Ешворт не се потрудил доволно да најде подобра опција од тренерите кои ги познаваше од порано. Особено му било незадоволително што, по само вториот ден од доаѓањето на Аморим, Ешворт реши да земе одмор, што не му се допаднало на Ретклиф. Ова ја зголемило тензијата помеѓу нив и го поставило прашањето за иднината на Ешворт во клубот.

Не е дозволено копирање и користење на содржините без да бидат исполнети
Условите за користење на содржините.