Тен Хаг: Почнавме да покажуваме дека можеме да играме добар фудбал

October 20, 2024 | Kristijan Trajchov | Свет

Менаџерот на Манчестер Јунајтед, Ерик тен Хаг по победата над Брентфорд од 2-1 изјави дека е задоволен и дека покажале дека можат да играат убав фудбал. Притисокот секогаш е тука, бидејќи мораме да победуваме на секој натпревар. Почувствувавме неправда и ја искористивме како гориво во второто полувреме. Ми се допадна нашата игра, особено во второто полувреме. Секоја победа е важна. Овој тим повторно покажа сплотеност и борбен дух. Покажавме решителност да постигнеме голови и мислам дека токму тоа ни треба. Почнавме да покажуваме дека можеме да играме добар фудбал. Досега изгледаше како да не игравме во вистинскиот спорт, бидејќи не постигнувавме доволно голови и не бевме доволно конкретни пред голот. Но, овојпат постигнавме одлични голови и сум задоволен. И двата гола беа од висока класа, и со нив тимот покажа дека знае да постигнува голови. „Кога постигнуваш голови, победуваш. Така ја враќаш и самодовербата, а на нас токму тоа ни треба, бидејќи на почетокот од сезоната имавме неколку добри натпревари. Создававме шанси, но не постигнувавме доволно голови, а кога не ги добиваш натпреварите, сите стануваат негативни и разочарани. Овој резултат ќе ни помогне, но ова е само една победа и мораме да продолжиме да ја надградуваме“, изјави Тен Хаг. Јунајтед сега се наоѓа на 11. место со освоени 11 бода.

Не е дозволено копирање и користење на содржините без да бидат исполнети
Условите за користење на содржините.