Тен Хаг: Уживам во пресметките со Мурињо!

October 21, 2024 | Kristijan Trajchov | Свет

Манчестер Јунајтед ќе гостува кај Фенербахче во рамките на третото коло од групната фава во Лигата на Европа. Тен Хаг имаше само пофални зборови за неговиот противник и поранешен тренер на Јунајтед, Жозе Мурињо. „Ова е важен натпревар за двете екипи. Уживам во соочувањата со Мурињо и да играм против неговите екипи. Секогаш има добри тимови, тој е голем победник и има освоено многу трофеи. Пример е за многу менаџери. Духот во екипата секогаш бил висок, но расположението е подобрено по победата викендов. Сите тимови имаат високи очекувања, така што мора да победуваме. Секој меч мора да покажеме одлучност. Кога ќе се победи уживаме 24 часа и потоа одиме понатаму. Тоа е фудбалот, за тоа се живее. Минатото е минато, мора да се докажувате секој ден. Одиме во тој стил, нашата цел е да го освоиме трофејот“, изјави Тен Хаг. Овој дуел ќе се одигра во четврток во 21:00 часот.

Не е дозволено копирање и користење на содржините без да бидат исполнети
Условите за користење на содржините.