Тензии во Реал Мадрид: Винисиус бара поголема плата од Мбапе и од Белингам

June 14, 2025 | Kristijan Trajchov | Свет

Тензии во Реал Мадрид: Винисиус бара поголема плата од Мбапе и од Белингам

Реал Мадрид продолжува со преговорите за нов договор со Винисиус Жуниор, но и покрај најавите дека се блиску до договор, двете страни сè уште не постигнале конечен договор. Сегашниот договор на бразилскиот фудбалер важи до 2027 година, но клубот сака да го продолжи до 2030 со значително подобрени финансиски услови. Клубот му понуди на Винисиус петгодишен договор вреден 100 милиони евра нето, односно 20 милиони евра годишно. Тоа е зголемување во однос на неговите тековни примања, но не е доволно за самиот фудбалер. Тој бара платата да му биде изедначена со највисоките во клубот, особено со новопристигнатиот Килијан Мбапе и Џуд Белингам, пишува Спорт. Иако и тие имаат годишна плата од околу 15 до 20 милиони евра, бонусите и дополнителните клаузули ги прават нивните вкупни примања значително поголеми. Дополнителен притисок врз Реал претставуваат понудите од клубови од Саудиска Арабија, кои нудат далеку поголеми суми. Винисиус не е директно заинтересиран за преселба таму, но го користи тој интерес како аргумент во преговорите. И покрај сето тоа, Реал нема намера да ја зголеми понудата во текот на летото. Се очекува двете страни да постигнат компромис, но не под услови на притисок. Винисиус е важен дел од тимот, но клубот сака да го задржи финансискиот баланс во соблекувалната.

Не е дозволено копирање и користење на содржините без да бидат исполнети
Условите за користење на содржините.