Тоа е фудбалот: Феенорд го совлада Баерн со 20% посед и осум шута!

January 23, 2025 | Kristijan Trajchov | Свет

Баерн Минхен претрпе изненадувачки тежок пораз од екипата на Феенорд во претпоследното коло на Лигата на шампионите каде конечниот резултат беше 3-0. За домаќините во два наврати погоди Сантиаго Хименез и еднаш Уеда. Она што остави впечаток на натпреварот е неискористените шанси на Баерн, а од друга страна ефикасноста на Феенорд кој со осум шута го „реши“ тимот од Минхен. Иако германскиот гигант ја имаше топката во свој посед дури 80% од времето и беше супериорен во бројот на додавања, центаршутеви и корнери (1-13), бодовите сепак останаа во Ротердам. Баерн упати неверојатни 30 удари кон голот, од кои шест беа во рамките, но ниту еден не го најде патот до мрежата. Од друга страна, Феенорд ја искористи секоја шанса што ја имаше – осум удари, три во рамките на голот, и сите три завршија како голови. Домаќините ги крунисаа своите ограничени можности со максимална ефикасност, оставајќи го Баерн со празни раце, иако статистички изгледаше непобедлив. На крајот, бројките не беа важни, бидејќи бодовите отидоа на страна на Феенорд, а Баерн остана со лекција за важноста на реализацијата.

Не е дозволено копирање и користење на содржините без да бидат исполнети
Условите за користење на содржините.