Трамп ги пречека играчите на Јувентус, зборуваше за Иран и постави збунувачки прашања (ВИДЕО)

June 19, 2025 | Kristijan Trajchov | Свет

Трамп ги пречека играчите на Јувентус, зборуваше за Иран и постави збунувачки прашања (ВИДЕО)

Посетата на фудбалерите на Јувентус кај американскиот претседател Доналд Трамп не мина без изненадувања – од неинформираност за Светското клупско првенство до политички пораки и необични прашања за жените во машки спорт. Иако Светското клупско првенство се игра во САД, Трамп очигледно не беше запознаен со значењето на турнирот. Сепак, тој моментално го искористи за да зборува за тензиите со Иран, испраќајќи пораки за можен воен ангажман. „Му реков на Такер: ако мисли дека е во ред Иран да има нуклеарно оружје, тогаш гледаме различно. Јас нема да дозволам Иран да има оружје кое може да го уништи светот“, изјави Трамп, насочувајќи ја фокусот далеку од фудбалот. Во продолжение, уште еден неочекуван момент – претседателот ги праша играчите и тренерот на Јувентус дали во тимот имаат жени и што мислат за тоа жена да игра за нив. Ова доаѓа неколку месеци по контроверзната одлука со која трансродовите лица беа исклучени од женските спортови. Посетата, иако со спортска намера, доби политичка и културна димензија што ги збуни и фудбалерите и јавноста. На крајот, средбата беше кратка, необична и неколку пати непријатна – но сепак, заврши без инциденти.

Не е дозволено копирање и користење на содржините без да бидат исполнети
Условите за користење на содржините.