Уапсен е Наинголан, препродавал дрога

January 27, 2025 | Kristijan Trajchov | Свет

Белгискиот фудбалер Раџа Наинголан, 36-годишен поранешен репрезентативец на својата земја, е уапсен во Белгија под сомнение дека бил дел од организирана криминална мрежа која се занимавала со препродажба и дистрибуција на кокаин. Според информациите што ги пренесува италијанскиот Corriere della Sera, апсењето на Наинголан е дел од поголема полициска операција што се подготвувала долго време и која вклучува десетици лица. Засега не е целосно јасно каква улога имал Наинголан во овој случај и какви ќе бидат обвиненијата против него, но оваа вест го фрли некогашниот фудбалски ас во центарот на една од најмрачните фудбалски афери. За жал, ова не е прв пат некој познат фудбалер да се најде вмешан во криминални активности. Пример за ова е холандскиот репрезентативец Квинси Промес, кој со години бегаше од правдата играјќи во Русија. На крајот, беше уапсен за време на подготовки во Дубаи и екстрадиран во Холандија за да се соочи со обвиненијата. Инцидентот со Наинголан уште еднаш отвора прашања за тоа како одредени фудбалери, и покрај големите успеси и финансиски можности, се вклучуваат во опасни и незаконски активности. Случајот дополнително ќе ја засени репутацијата на некогашниот ѕвезда на италијанската Серија А, додека јавноста нетрпеливо го очекува развојот на настаните.

Не е дозволено копирање и користење на содржините без да бидат исполнети
Условите за користење на содржините.