УЕФА манипулирала со снимката од поништениот пенал на Хулијан Алварез? (ВИДЕО)

March 19, 2025 | Kristijan Trajchov | Свет

Контроверзен момент го одбележа двомечот помеѓу Атлетико Мадрид и Реал Мадрид, каде поништениот пенал на Хулијан Алварез и понатаму предизвикува дебати. Овој инцидент директно придонесе за елиминацијата на Атлетико Мадрид од нивниот градски ривал Реал во осминафиналето од Лигата на шампионите. Сите жалби на Атлетико беа одбиени од страна на УЕФА, која објави снимка со тврдење дека „Алварез имал два контакта со топката пред таа да заврши во мрежата“. Она што предизвика уште поголеми сомнежи е фактот што аголот на камерата што го претстави УЕФА никогаш не беше емитуван во живо, што ги натера многумина да се сомневаат во веродостојноста на снимката. Експертот за видео-едитирање, Алекс Солер, изрази сомнеж дека УЕФА можеби користела одредени алатки за манипулација. Според него, сенката на топката исчезнува во клучниот момент пред наводниот двоен допир. „Движењето на сенките не изгледа природно. Во првиот кадар има сенка на топката, но во следниот кадар, непосредно пред ударот, таа останува идентична, што е невообичаено со оглед на осветлувањето на стадионот“, истакна Солер. Тој дополнително тврди дека траекторијата на топката била изменета дигитално. „Ова е една од најкомпликуваните работи што треба да изгледаат веродостојно. Со поместување на играчот и топката, наместо да ја користат точната патека, која би била повеќе на десно, тие тоа го направиле дигитално и ја избрале онаа што им изгледала најсоодветна. Тогаш секој кадар на топката исто така би се поместувал“, додаде тој. Овие наводи само ја зголемуваат контроверзноста околу овој инцидент, кој веќе се смета за еден од најспорните моменти во историјата на Лигата на шампионите.

A imagem usada pelo VAR para anular a cobrança de Álvarez.pic.twitter.com/5Bkhe86mVe

— Leonardo Bertozzi (@lbertozzi) March 13, 2025

Не е дозволено копирање и користење на содржините без да бидат исполнети
Условите за користење на содржините.