December 8, 2024 | | Свет
Подготовките на Вест Хем за понеделничкиот натпревар против Вулверхемтон тргнаа на најлош можен начин овој викенд, кога една од најголемите ѕвезди на тимот, Мајкл Антонио, предизвикал страшна сообраќајна несреќа. Со своето моќно Ферари, фудбалерот целосно го смачкал својот скап автомобил, а сликите кои беа споделени во јавноста укажуваат на тоа дека ударот бил неверојатно силен и застрашувачки. Единствена добра вест од целата оваа немила сцена е што Антонио минал без животозагрозувачки повреди, што на крајот се покажало како вистинска среќа, со оглед на силата на ударот. Спасувачката екипа за итни случаи која пристигнала на лице место работела дури еден час за да го извади заробениот фудбалер од автомобилот. Доказ за тоа е и официјалното соопштение на тимот за итни ситуации, кое потврдува дека Антонио избегнал голема трагедија. „Екипите беа повикани на терен во 13 часот и 2 минути во саботата попладне. Пожарникарите пријавија дека маж останал заробен во неговиот автомобил и работеле на негово ослободување до 13 часот и 45 минути. Повредениот човек веднаш бил ставен во возило за Брза помош и итно пренесен во болница“, стои во соопштението на итната служба. Вест Хем соопшти дека Антонио е во стабилна ситуација по претрпениот шок, но побараа од јавноста да се почитува приватноста на фудбалерот, но и неговото семејство.
Michail Antonio has been involved in a serious car crash in Essex near London and got airlifted to hospital. Terrible news, hoping for the best 🤞🏼 pic.twitter.com/6zTCORkbQK
— Football Hub (@FootbalIhub) December 7, 2024
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |
