Валенсија го направи потребниот чекор за потпис на Елмас

January 27, 2025 | Kristijan Trajchov | Свет

Доколку не се случи нешто неочекувано, македонскиот репрезентативец Елиф Елмас би требало во наредните 48 часа да стане третото зимско засилување за Валенсија. По доведувањето на Макс Аронс од Борнмут и Умар Садик од Реал Сосиедад, „лилјаците“ се подготвени да го финализираат и трансферот на Елмас. Елмас, според информациите, ја дал својот согласност за преселба на „Месталја“, каде што ќе стане соиграч на Столе Димитриевски. Оваа вечер беше исполнет главниот предуслов за неговото доаѓање – Валенсија мораше да ослободи место во тимот, што стана возможно со заминувањето на Максимилијано Кофри во Ред Бул Салцбург. Управата на Валенсија гледа на Елмас како играч со значаен потенцијал да придонесе во грчевитата борба за опстанок, која ќе трае до крајот на сезоната. Вчерашниот слаб настап против Барселона на „Монжуик“ ја потврди итноста на засилувањата, а Елмас е виден како дел од решението. Според германските и шпанските медиуми, позајмицата на Елмас од РБ Лајпциг веќе е договорена. Со испразнетото место во тимот, Валенсија сега може да ја забрза операцијата и да го доведе македонскиот интернационалец во редовите на тренерот Карлос Корберан.

Не е дозволено копирање и користење на содржините без да бидат исполнети
Условите за користење на содржините.