Ван Бастен: Хулијан Алварез еднаш ја допре топката, УЕФА да ја поправи грешката

March 14, 2025 | Kristijan Trajchov | Свет

Марко ван Бастен, легендарниот холандски фудбалер, смета дека ударот на Хулијан Алварез против Реал Мадрид бил чист и дека не гледа ништо спорно во спорната ситуација. Во Европа, особено во Шпанија, и понатаму се водат дебати за поништениот гол на Алварез при изведувањето на пенали во реваншот меѓу мадридските ривали. Голема е дилемата дали Аргентинецот навистина имал двоен допир со топката пред да ја упати кон голот. Многумина, вклучувајќи експерти, навивачи и претставници на двата клуба, веќе го изразија своето мислење, а УЕФА ја даде својата пресуда со приложување на видео-снимка што ја прикажува контроверзната ситуација. Без разлика на ставовите, се повеќе луѓе сметаат дека правилото треба да се измени. Ван Бастен се согласи со тоа и на својот Инстаграм јасно го изрази својот став: „Не навивам за Реал или Атлетико, но Хулијан Алварез ја допре топката само еднаш. УЕФА има обврска да ја исправи оваа грешка“, напиша холандската легенда.

Не е дозволено копирање и користење на содржините без да бидат исполнети
Условите за користење на содржините.