Венгер ја знае предноста на Арсенал пред реваншот со ПСЖ

May 6, 2025 | Kristijan Trajchov | Свет

Со победата од 1-0 над Арсенал во Лондон, Пари Сен Жермен си осигура почетна предност во полуфиналната пресметка од Лигата на шампионите. Сепак, како што вели легендата на „топчиите“ Арсен Венгер, вистинската битка не е само на теренот, туку и во главите на играчите. Утрешниот реванш на „Паркот на принцовите“ ќе биде психолошка шаховска партија. „На Арсенал му е јасно, мора да оди и да победи. Тука нема дилема, нема калкулации. Тоа е ментална чистота што понекогаш може да биде огромна предност“, рече Венгер. Но, токму тука лежи и замката за ПСЖ. „Светците“, иако водат, ќе треба да решат како да пристапат, дали да го бранат резултатот или да го потврдат финалето со нова победа. „Тоа е класичната стапица на реваншите. Дали одиш по втор гол и го ризикуваш стекнатото, или седиш назад и им дозволуваш на Арсенал да ја диктира играта? Луис Енрике кажа дека сакаат да победат уште еднаш, и тоа е охрабрувачко, но ќе биде предизвик да го пренесеш тој став на целиот тим“, анализираше Венгер. Победникот од овој дуел во финалето ќе се сретне со Интер или Барселона.

Не е дозволено копирање и користење на содржините без да бидат исполнети
Условите за користење на содржините.