(ВИДЕО) Меси ја утна „паненката“, но тука е херојот Дибу Мартинез кој ги носи во полуфинале!

July 5, 2024 | Kristijan Trajchov | Свет

Селекцијата на Аргентина се пласираше во полуфиналето на Копа Америка, но сигурно дека не очекуваа до овој степен Еквадор да биде тврд противник и да мораат да играат на пенали. Аргентина поведе со голот на Лисандро Мартинез по 35 минути игра. Еквадор по 15-тина минути во второто полувреме доби шанса да изедначи, но Енер Валенсија од пенал ја погоди само стативата. Во 92. минута Родригез погоди за изедначување и го одведе натпреварот во пенал-рулетот. Меси прв шутираше за Аргентина и се обиде со паненка, но погоди пречка. За Аргентина погодија Алварез, Мекалистер, Монтиел и Отаменди. Мартинез повторно беше херој на Аргентина каде ги одбрани ударите на Мена и Минда, па така ги одведе „Гаучосите“ во полуфиналето каде што го чекаат подобриот од пресметката помеѓу Венецуела и Канада.

Не е дозволено копирање и користење на содржините без да бидат исполнети
Условите за користење на содржините.