Винисиус е далеку од договор со Реал: Сака да има најголема плата во историјата на клубот

April 24, 2025 | Kristijan Trajchov | Свет

Изгледа дека иднината на Винисиус Жуниор во Реал Мадрид е далеку од сигурна, и покрај сите досегашни шпекулации за продолжување на договорот. Ако навистина се точни наодите на „Атлетик“ дека Бразилецот бара повеќе од 30 милиони евра годишно, тоа не е само финансиско прашање, туку и тест за идентитетот и политиката на клубот. Реал Мадрид никогаш не бил познат по лесно попуштање пред индивидуални барања, колку и играчот да е важен. Дури и Кристијано Роналдо на крајот си замина поради слични несогласувања. Винисиус Жуниор пристигна во Реал Мадрид од Фламенго во јули 2018 година и оттогаш израсна во еден од најважните фудбалери на „кралскиот клуб“. Со својата извонредна брзина, мајсторско дриблање и инстинкт за постигнување клучни голови, Винисиус стана незаменлив дел од напаѓачкиот арсенал на Мадрид. Во текот на својата кариера во клубот, освои вкупно 14 трофеи, вклучувајќи две титули во Лигата на шампионите и три титули во Ла Лига. Во сезоната 2024/25, Винисиус одигра 47 натпревари, постигна 20 голови и забележа 14 асистенции во сите натпреварувања. Во Ла Лига, во 27 настапи, реализираше 11 погодоци и 7 асистенции. Неговиот талент и континуиран напредок беа препознаени и на глобално ниво каде заврши втор во изборот на Златната топка во 2024 година, а беше избран и за најдобар играч во светот според ФИФА “The Best”.

Не е дозволено копирање и користење на содржините без да бидат исполнети
Условите за користење на содржините.