Жена го уценувала Сон дека била бремена, решил да поднесе тужба

May 15, 2025 | Kristijan Trajchov | Свет

Херојот на Јужна Кореја и капитен на Тотенхем, Сон Хјунг-мин, поднесе официјална жалба до полицијата во Сеул, тврдејќи дека бил цел на измама и обид за изнуда. Како што потврди неговата агенција „Сон енд Фудбал Лимитид“, Сон бил уценуван со лажно тврдење дека наводно оставил жена бремена. Инцидентот предизвика големо внимание во јужнокорејската јавност, особено поради угледот и популарноста на 32-годишниот фудбалер, кој важи за национален симбол и лидер на репрезентацијата. „Полицијата моментално спроведува детална истрага. Ќе ги објавиме сите релевантни информации веднаш штом истрагата заврши. Сон е очигледно жртва во овој случај и побаравме соодветна заштита и правда,“ стои во соопштението од агенцијата. Според локалните медиуми, уапсени се две лица – жена во нејзините дваесетти години и маж во четириесеттите – под сомнение дека се обиделе да изнудат пари од фудбалерот преку измама. Случајот уште повеќе го вознемири јавното мислење, со оглед на тоа што Сон е познат по својот беспрекорен имиџ, на теренот и надвор од него.

Не е дозволено копирање и користење на содржините без да бидат исполнети
Условите за користење на содржините.