Зидан за најтешкиот противник во кариерата: Ми ја земаше топката без да ме допре

September 17, 2024 | Kristijan Trajchov | Свет

Зинедин Зидан беше запрашан за тоа кои се најтешките противници кои тој ги имал во својата богата кариера. Тој се реши за двајцата дефанзивци кои главно настапуваа во Серија А и кои се сместуваат во редот на најдобрите. Негов најтежок противник бил Паоло Малдини за кого рече дека ја одзима топката без да те допре, а вториот најдобар бил Лилиан Турам. „Најтежок противник во смисла дека беше многу добар, а не во смисла дека сакал да удира – тоа беше Малдини. Беше премногу паметен и интелигентен на теренот. Многу пати ќе се најдев пред него и знаете што ќе се случеше. Тој ќе ми ја земеше топката без да ме допре. После него веројатно се наоѓа Турам кој беше многу цврст и секој беше среќен кога играше со него во ист тим. Ако тој игра против тебе, подобро да не играш“, изјави Зидан. Во моментов Зидан нема тренерски ангажман, а неодамна изјави дека многу чекал и дека е редно време да се врати.

Не е дозволено копирање и користење на содржините без да бидат исполнети
Условите за користење на содржините.